Genvejsmenu:
S - Indhold
1 - Forside
2 - Nyheder
3 - Oversigt
4 - Søg

Datatilsynip inunnut paasissutissat suliarineqartarnerat pillugu politikkia

Datatilsynip inunnut paasissutissat suliarineqartarnerat pillugu politikkiani nassuiarneqarpoq, tilsynip nittartagaanik alakkarterereeraangavit illit pillutit paasissutissat paasineqarsinnaalersut Datatilsynip qanoq atortarnerai.
Nalinginnaasumik eqqumaffigissavat internettimik atuisutut illit elektroniskimik paasissutissanik paasineqarsinnaasunik qimatsisaravit, tamannalu allat illit internettimik atuininnik malinnaasinnaanngornerannik kinguneqarsinnaalluni.

Cookiesit
Datatilsynip nittartagaani amerlanertigut cookiesit atorneqanngillat. Datatilsynilli nittartagaata immikkoortuisa ilaanni ataasiakkaani cookiesit atorneqarput. Illit browserinnit cookiesit qamissinnaavatit, sulili Datatilsynip nittartagaa atorsinnaallugu.

Datatilsynip nittartagaanik alakkarterinermi katersuineq
Datatilsyni nittartakkamik alakkarterisut pillugit kisitsisitigut paasissutissanik ingerlaavartumik takunnissinnaavoq. Paasissutissat taakku aqqutigalugit inuit ataasiakkaat ilisarineqarsinnaanngillat.
Datatilsynip nittartagaa alakkarteraangakku paasissutissat ilinnut tunngasut makku katersorneqartarput:

  1. Quppernerit sorliit, aamma qanga isiginnaarsimaneritit – illit ”elektroniskimik takussutissartatit”,
  2. browseri sorleq atornerit,
  3. illit ip-adresset, kiisalu
  4. atuisutut ilisarnaateqarsimaguit atuisutut ilisarnaatit. 


Internettimik atuigaangavit "elektroniskimik takussutissanik" qimatsisarputit, nittartakkat sorliit isersimaffigisimaneritit paasineqarsinnaanngorlugu. Paasissutissat taakku pilersarput illit browserivit paasissutissanik serverimut nassiussuineratigut, ass. "Qupperneq adressemi www.datatilsynet.dk -mut atasoq takorusuppara".

Browserit amerlanerpaartaasa sananeqarsimanertik, aamma versionip normua ilanngullugu paasissutissat oqaluttuarisarpaat, ass. Microsoft Internet Explorer version 7.0. Quppernerlu takorusutat serverip utertissinnaanngussavaa, illit browsererpiannit ajunngitsumik takuneqarsinnaasunngortillugu.

Browserivit www.datatilsynet.dk -mik piumasaqarnera ilutigalugu serverimut pineqartumut paasissutissanik arlalinnik allanik nassitsisarpoq, tassunga ilaatigut ilanngullugu illit ip-adresset (illit internettimi "adresset"). Tamaalilluni serverip nalussanngilaa qupperneq piumasat sumut nassiutissanerlugu.

Qarasaasiannut systemi sorleq atornerit, aamma browseri atukkat apeqqutaallutik browseri aamma illit serverimut atuininnut ilisarnaatit ilanngullugu nassiuttarpaa – qarasaasiannut iseraangavit atuisutut ilisarnaat atortakkat.
 
Katersuinermut siunertaq
Paasissutissat taakku, qulaani taaneqartut, Datatilsynip ilaatigut atorsinnaavai takussallugu www.datatilsynet.dk -mi paasissutissanik nassaarniarlutit aqqutit suut atorsimaneritit.

Datatilsynip ilaatigut aamma takusinnaavai nittartakkap saqqaanit aallartillutit quppernerit iserfigisarneritit, imaluunnit nittartakkami quppernerit ilaannut toqqaannartumik isernersutit, ass. ujaasiffissiamik atuinikkut.

Paasissutissat taamaallaat atorneqartarput  ingerlatsinerup ingerlanneqarneranut atatillugu, kiisalu kisitsisitigut paasissutissanik suliaqarnermut, ilaatigut Datatilsynip nittartagaata aaqqissuussaaneranik pitsanngorsaanermut atorneqarsinnaasunik.
 
Pisartagaqarnermut atatillugu katersuineq
Datatilsynip nutaarsiassaataanik pisartagaqalerniarluni nalunaarnermut atatillugu e-mailimut adresse, illit nammineq tunniussat, nalunaarsorneqartarpoq. Paasissutissat Datatilsynip nutaarsiassaataanik automatiskimik nassitsinissamut atorneqartarput, aammalu  paasissutissat tilsynip qarasaasiatigut paasissutissanik suliarinnittartuani (webhoteliani) nalunaarsorneqartarlutik.
 
Datatilsynimi sulisut ataasikkaat pisartagallit allattorsimaffiannik takunnissinnaapput. Paasissutissat taakku iluaqutigalugit tilsyni pisartagallit amerlassusiannik aamma pisartakkat suussusiannik ingerlaavartumik paasisaqarsinnaavoq.

Pisartagallit ataasiakkaat pillugit paasissutissat allanut tunniunneqarneq ajorput, aamma pisartagaqarunnaaruit paasissutissat ingerlaannartumik peerneqassapput.
 
Suliamut aalajangersimasumut tunngatillugu saaffiginninnermi katersuineq
Suliamut aalajangersimasumut tunngatillugu internetti aqqutigalugu Datatilsynimut saaffiginninnermi, imaluunniit saaffiginnissutit suliamik pilersitsinissamik pissutissaqalersitsippat, saaffiginnissutit elektroniskimik toqqorneqassaaq kiisalu naqitanngorlugu suliamut ilineqassalluni.

Tilsynip allaffigeqatiginnittarneri allat assigalugit, suliami allakkiat, pisortat ingerlatsineranni suliassat suliarineqartarneranni malittarisassat malinneqassapput.
 
Datatilsynip nittartakkakkut misileraatitsineranut atatillugu katersuineq
Datatilsynip misileraatitsinerani ("Test din viden om ....") apeqqutit akigukkit akissutitit, IP-adresset, piffissaq immersuiffiit aamma browseri sorleq atornerit pillugit paasissutissat Datatilsynip nalunaarsussavai. Paasissutissat taamaallaat atorneqassapput  kisitsisitigut paasissutissanut, aamma ingerlatsinerup ingerlanneqarneranut atatillugu, tassunga ilanngullugu ajoquteqartoqarneranik paasiniaanermut. Paasissutissat Datatilsynip qarasaasiatigut paasissutissanik suliarinnittartuanit Rambøll Management Consulting A/S’imit nalunaarsorneqartarput.